“Baineann an t-athrú aeráide linn go léir, agus is féidir linn beart a dhéanamh a chabhraíonn leis an aeráid agus le sláinte agus folláine an duine, leis. Chun ár sochaí a dhéanamh níos cairdiúla leis an aeráid ní mór dúinn féachaint ar an tslí a ndéanaimid fuinneamh a tháirgeadh agus a úsáid, teicneolaíochtaí úra a fhorbairt, ár bhfoirgnimh a théamh nó a fhuarú, anonn go dtí na córacha iompair a úsáidimid, na táirgí a cheannaímid, an bia a ithimid agus an pacáistiú a chaithimid uainn. Ní mór dúinn dul i gcomhar chun tuiscint a fháil ar na dúshláin agus chun na réitigh a fhorbairt, ionas gur féidir leis an uile dhuine a chion a dhéanamh agus nach bhfágtar duine ar bith ar gcúl. Téimis i gcomhar chun aire a thabhairt don phláinéad agus chun an todhchaí atá uainn a thógáil."